Ван Айвэнь падзякаваў беларускаму боку за цёплы прыём і дружбу. Ён таксама адзначыў, што галоўнай мэтай яго візіту ў Беларусь з’яўляюцца шырокія кантакты для павышэння ўзаемаразумення і далейшага развіцця беларуска-кітайскіх адносін.

«Пад стратэгічным кіраўніцтвам Старшыні Кітайскай Народнай Рэспублікі Сі Цзіньпіна і Прэзідэнта Рэспублікі Беларусь Аляксандра Лукашэнкі кітайска-беларускія адносіны ўсепагоднага і ўсебаковага стратэгічнага партнёрства стабільна развіваюцца на высокім узроўні. І нашы краіны, як сапраўдныя сябры, добрыя партнёры, заўсёды праяўляюць шчырасць ва ўзаемаадносінах. На маю думку, стратэгічнае кіраўніцтва лідараў дзвюх дзяржаў і высокі палітычны ўзаемадавер — гэта самая яркая асаблівасць беларуска-кітайскіх адносін», — заявіў Ван Айвэнь.

Ён таксама падкрэсліў, што кітайскі бок высока ацэньвае той факт, што ў Беларусі цвёрда прытрымліваюцца прынцыпу адзінага Кітая, падтрымліваюць намаганні кітайскага ўрада для ажыццяўлення адзінства дзяржавы і абароны суверэнітэту і тэрытарыяльнай цэласнасці.

«Кітайскі бок таксама цвёрда падтрымлівае імкненне Беларусі ісці па шляху, які выбраны народам і адказвае рэаліям дзяржавы, выступаючы супраць умяшання любых знешніх сіл ва ўнутраныя справы краіны. Кітайска-беларускае жалезнае братэрства становіцца ўсё больш каштоўным і важным у сучасным нестабільным свеце, дзе пануюць хаос і змены і назіраюцца змяненні, нябачаныя за апошнія 100 гадоў, — сказаў Ван Айвэнь. — Сутыкаючыся з такой складанай і нестабільнай абстаноўкай, Кітай і Беларусь адстойваюць справядлівасць, выступаючы супраць прымянення сілы ў міжнародных адносінах і абараняючы светапарадак».