Запуск быў здзейснены з касмадрома Вэньчан (Паўднёвая правінцыя Хайнань) у 08.14 па мясцовым часе (03.14 па мінскім) пры дапамозе ракеты-носьбіта «Чанчжэн-7». Прыкладна праз 10 хвілін пасля старту карабель паспяхова аддзяліўся ад ракеты і выйшаў на зададзеную арбіту, яго сонечныя панэлі раскрыліся ў штатным рэжыме. У бліжэйшы час «Цяньчжоу-10» павінен здзейсніць стыкоўку з арбітальнай станцыяй.

Касмічны грузавік даставіць скафандр для выхаду ў адкрыты космас, паліва, харчаванне для касманаўтаў і абсталяванне для правядзення навуковых эксперыментаў.

Для грузавых караблёў серыі «Цяньчжоу» гэта 10-ы палёт. Місія стала 39-м запускам у рамках праграмы пілатаваных палётаў КНР і 641-м стартам для ракет-носьбітаў серыі «Чанчжэн».