У мінулым годзе Кітай стаў сусветным лідарам у галіне «зялёнага» гандлю, не толькі павялічыўшы пастаўкі экалагічна чыстай прадукцыі, але і істотна садзейнічаўшы барацьбе са змяненнем клімату і пераходу сусветнай супольнасці да нізкавугляроднай эканомікі. Пра гэта паведаміў прэс-сакратар Галоўнага мытнага ўпраўлення КНР Люй Далян, перадае «Жэньмінь жыбаа» анлайн».
Асабліва прыкметных поспехаў Кітай дасягнуў у сектары ветраэнергетыкі. У 2024 годзе экспарт ветраных турбін перавысіў 5 ГВт, паказаўшы рост на 71,9%. Прадстаўнік Кітайскай асацыяцыі энергетычных прадпрыемстваў Лю Чжыцян лічыць, што паскораны выхад кітайскай «зялёнай» прадукцыі на міжнародныя рынкі абумоўлены двума асноўнымі фактарамі: глабальнай энергетычнай трансфармацыяй, якая стварае вялікі попыт, і відавочнымі перавагамі Кітая ў галіне тэхналогій і кошту вытворчасці.
«Вялізныя параўнальныя перавагі садзейнічалі хуткаму росту экспарту кітайскіх ветраных установак. У апошнія гады кітайскія прадпрыемствы атрымалі заказы і прадэманстравалі значны рост продажаў у такіх рэгіёнах, як Еўропа, Цэнтральная Азія, Паўднёва-Усходняя Азія і Паўднёвая Амерыка», — падкрэсліў Лю Чжыцян.
Поспехі назіраюцца і ў сферы «зялёнага» транспарта. Кітай пяты год запар павялічвае экспарт электравозаў, а аб’ём экспарту электрычных матацыклаў і веласіпедаў упершыню перавысіў 40 млрд. юаняў. Экспарт электрамабіляў таксама дасягнуў значнай адзнакі — больш за 2 млн. адзінак.
Кітайскія «зялёныя» тэхналогіі садзейнічаюць глабальнаму энергетычнаму пераходу. Згодна з Белай кнігай 2Энергетычны пераход Кітая«, апублікаванай у другой палове мінулага года, на працягу апошніх 10 гадоў Кітай пастаўляў свету высакаякасныя прадукты і паслугі ў сферы чыстай энергетыкі, пастаянна развіваючы навукова-тэхнічныя інавацыі, што прывяло да зніжэння глабальных затрат на ветравую і сонечную энергетыку.
Прадстаўнік Дзяржаўнага ўпраўлення па справах энергетыкі КНР адзначыў, што кітайскае абсталяванне для аднаўляльных крыніц энергіі экспартуецца ў мноства краін, у тым ліку дзяржавы, якія развіваюцца, робячы чыстую энергію больш даступнай. Уклад Кітая ў глабальны энергетычны пераход высока ацэньваецца міжнароднай супольнасцю. Генеральны дырэктар Міжнароднага агенцтва па аднаўляльных крыніцах энергіі (IRENA) Франчэска ла Камера адзначыў: «У апошнія гады Кітай актыўна прапануе свету больш эканамічныя інавацыйныя тэхналогіі ў галіне аднаўляльных крыніц энергіі, што стала адной з прычын зніжэння кошту вытворчасці электраэнергіі з аднаўляльных крыніц на глабальным узроўні».
Кітайскі ўрад працягвае падтрымліваць развіццё «зялёнага» гандлю. Па словах Мэн Юэ, кіраўніка дэпартамента знешняга гандлю Міністэрства камерцыі КНР, плануецца ўкараняць спецыяльныя палітыкі для пашырэння экспарту экалагічна чыстых прадуктаў і паслуг, паляпшаць сістэмы абслугоўвання і ўмацаваць міжнароднае супрацоўніцтва ў галіне нізкавугляроднага развіцця.
