Па выніках мінулага года Кітай заняў першае месца ў свеце па колькасці выдадзеных патэнтаў на вынаходкі ў ключавых галінах лічбавай эканомікі, прычым тэмпы росту паказчыка ў краіне значна перавысілі сярэднесусветныя. Аб гэтым паведамілі ў Дзяржаўным упраўленні па справах інтэлектуальнай уласнасці КНР, перадае «Сіньхуа».

Як адзначылі ў ведамстве, колькасць выдадзеных патэнтаў на вынаходкі ў гэтых галінах у мінулым годзе дасягнула 500 тысяч, што на 23,1 працэнта больш, чым годам раней. У Дзяржаўным упраўленні па справах інтэлектуальнай уласнасці звярнулі ўвагу на прагрэс у галіне штучнага інтэлекту (ШІ), заявіўшы, што Кітай стаў лідзіруючай краінай у свеце па колькасці патэнтаў, звязаных са ШІ, з доляй у агульнасусветным аб’ёме 60 працэнтаў.

Колькасць замежных патэнтаў на вынаходкі, выдадзеных ключавым галінам лічбавай эканомікі Кітая, павялічылася з 21 тысячы ў 2016 годзе да 52 тысяч у 2024-м. Між тым, колькасць прадпрыемстваў з замежным капіталам, якія падаюць заяўкі на патэнты на вынаходкі ў гэтых галінах у Кітаі, таксама няўхільна расце. Па стане на канец мінулага года 95 краін і рэгіёнаў атрымалі патэнты на вынаходкі ў ключавых галінах лічбавай эканомікі краіны. Гэта 407 тысяч — 43,7 працэнта ад агульнай колькасці патэнтаў на вынаходкі, якія належаць замежным інвестарам у Кітаі.

«Такая сітуацыя дэманструе ўпэўненасць прадпрыемстваў з замежным капіталам у будучым развіцці лічбавай эканомікі Кітая», — рэзюмаваў кіраўнік Дзяржаўнага ўпраўлення па справах інтэлектуальнай уласнасці Шэнь Чан’юй.