Кітай у панядзелак паспяхова запусціў у космас новы спадарожнік дыстанцыйнага зандзіравання з касмадрома Вэньчан у астраўной правінцыі Хайнань на поўдні краіны. Пра гэта паведаміла Сіньхуа.
Ракета-носьбіт «Чанчжэн-7» (Long March-7) са спадарожнікам дыстанцыйнага зандзіравання Зямлі «Яагань-46» на борце стартавала з касмадрома ў 11.47 па пекінскім часе. Спадарожнік паспяхова выйшаў на зададзеную арбіту.
Спадарожнік у асноўным будзе выкарыстоўвацца ў такіх сферах, як прадухіленне стыхійных бедстваў і змякчэнне іх наступстваў, даследаванне нацыянальных зямельных рэсурсаў, а таксама для правядзення даследаванняў у гідралогіі, метэаралогіі і іншых галінах.
Для ракет-носьбітаў серыі «Чанчжэн» («Вялікі паход») гэты палёт стаў 605-м па ліку.
