У гістарычнай вёсцы Накэлі, былой паштовай станцыі на старажытным чайным шляху ў правінцыі Юньнань (Паўднёва-Заходні Кітай), аматарка тэхнікі прыроднага афарбоўвання Хуан Лін адкрыла майстэрню і ўдыхнула новае жыццё ў гэтае мастацтва, перадае «Жэньмінь жыбаа» анлайн». 

У Накэлі Хуан Лін пераехала ў 2023 годзе. Гэтая маляўнічая вёска, акружаная гарамі і вадой і багатая на раслінныя рэсурсы, стала крыніцай натхнення для яе творчасці. Хуан Лін выкарыстоўвае мясцовыя расліны — туну, тутоўнік, корань вайды, хурму — для стварэння натуральных фарбавальнікаў. Шляхам завязвання, сшывання і зашчыпвання яна афарбоўвае льняныя, шаўковыя і баваўняныя матэрыялы, ствараючы натуральныя сіне-белыя ўзоры рознай інтэнсіўнасці.

У майстэрні прадстаўлены разнастайныя вырабы: маляўнічыя шалікі, хупавыя тканкавыя сумкі і дэкаратыўныя элементы. Акрамя гатовых тавараў, наведвальнікам прапануюцца майстар-класы па апрацоўцы натуральнымі фарбавальнікамі, прыцягваючы турыстаў і групы ахвотных асвоіць новае майстэрства.

Хуан Лін таксама навучае мясцовых жыхароў тэхніцы прыроднага афарбоўвання, даючы ім магчымасць дадатковага заробку. Зараз яе вырабы папулярныя не толькі ў Кітаі, яны таксама экспартуюцца ў Сінгапур, Малайзію і іншыя краіны.

У перспектыве Хуан Лін плануе выкарыстоўваць больш мясцовых элементаў у сваіх працах, у тым ліку афарбоўванне чаем і кавай, а таксама стварыць сад фарбавальных раслін для далейшага развіцця традыцыйнага мастацтва.