Кітайскі стартап у галіне штучнага інтэлекту (ШІ) Moonshot AI прадставіў сваю мадэль Kimi K3, якая налічвае 2,8 трыльёна параметраў, што робіць яе ШІ-мадэллю, якая валодае найбольшай колькасцю параметраў у свеце і мае адкрыты зыходны код, перадае «Сіньхуа».
Мадэль Kimi K3 першапачаткова падтрымлівае візуальнае разуменне і валодае кантэкстным акном аб’ёмам 1 млн токенаў. Як адзначае кампанія Moonshot AI, мадэль аптымізавана для вырашэння складаных задач, у тым ліку распрацоўку праграмнага забеспячэння, глыбокія даследаванні і мультымадальнае разуменне.
«Вялікая колькасць параметраў азначае больш высокі ўзровень магчымасцяў гэтай мадэлі і можа забяспечыць больш інтэлектуальную прадукцыйнасць», — растлумачылі ў кампаніі.
Па звестках Moonshot AI, агульны ўзровень інтэлекту Kimi K3 блізкі да ўзроўню вядучых сусветных мадэляў з закрытым зыходным кодам, пра што сведчаць вынікі ацэнак.
Эксперты адзначаюць, што ўсё большая колькасць буйных кітайскіх мадэляў з адкрытым зыходным кодам пераходзяць ад індывідуальных прарываў да калектыўных дасягненняў, прапаноўваючы новыя падыходы да глабальнага развіцця штучнага інтэлекту.
