Пры гэтым больш за 97% замежных турыстаў прыбылі ў Санью ў рамках бязвізавага рэжыму. Замежныя госці ўсё часцей выходзяць за межы традыцыйных курортных зон і знаёмяцца са штодзённым жыццём горада.

Яшчэ некалькі гадоў таму міжнародны турызм у Санье насіў ярка выражаны сезонны характар, аднак сёння сітуацыя змяняецца. «Нават з чэрвеня па кастрычнік, якія лічацца нізкім сезонам, паток замежных турыстаў не спыняецца», — расказвае перакладчыца мясцовага турыстычнага агенцтва Хэ Цзінсін. У сярэднім яна сустракае і суправаджае турыстаў, якія прыбываюць больш за 30 міжнароднымі рэйсамі ў тыдзень.

З Саньі ўжо выконваюцца рэйсы па 36 міжнародных пасажырскіх маршрутах у 29 гарадоў 16 краін і рэгіёнаў ( тым ліку і ў Беларусь). Геаграфія турыстаў пашырылася. Па меры росту турпатоку мяняюцца і запыты замежных гасцей. Так, у Санье адкрылася прадуктовы магазін, арыентаваны на замежных пакупнікоў. Спачатку на яе прылаўках былі ў асноўным звыклыя замежнікам прадукты — каўбасы, хлеб і паштэты. Сёння асартымент магазіна налічвае каля тысячы найменняў, уключаючы пельмені, макарону і рыс. З’явілася тут і мясцовая хайнаньская прадукцыя — какосавае і мангавае віно, какосавае масла. 

«Турысты хочуць, каб падарожжа было насычаным і пакідала яркія ўражанні», — кажа Го Хун’юань, які працуе гідам ужо больш за дзесяць гадоў. Паводле яго слоў, перш за стандартны тур у Санью доўжыўся тры—пяць дзён і ўключаў пляж і славутасці. Сёння ўсё часцей турысты застаюцца на тыдзень і даўжэй, спыняюцца ў розных бухтах, самастойна выбудоўваюць маршрут. Некаторыя ўключаюць у праграму працэдуры традыцыйнай кітайскай медыцыны, прагулкі па рынках і кварталах, а таксама паездкі па кальцавой хуткаснай чыгунцы вострава, у тым ліку ў Вэньчан, каб паназіраць за запускамі касмічных ракет.

Прысутнасць замежных турыстаў прыкметна ўплывае на гарадскі гандаль. У гандлёвым цэнтры Joy City доля пакупак, здзейсненых замежнымі гасцямі ў магазінах Uniqlo і GAP, перавышае 60 %. Мясцовы магазін Uniqlo уваходзіць у пяцёрку лепшых сярод больш чым 800 магазінаў сеткі па ўсёй краіне.

Развіваецца і плацежная інфраструктура. Сёння ў горадзе налічваецца звыш 6 тысяч гандлёвых пунктаў, якія прымаюць замежныя карты, устаноўлена каля 12,8 тысячы POS-тэрміналаў і 9 аўтаматаў для абмену валюты. За студзень—жнівень гэтага года замежнікі абмянялі праз аўтаматы валюту на больш чым 42 млн юаняў, а праз пункты абмену — на 1,59 млн долараў ЗША.

Мікалай ЛІТВІНАЎ