Паведамляецца, што даследчыкі з КНР разам з калегамі з ЗША пад кіраўніцтвам прафесараў з навукова-тэхнічнага ўніверсітэта Кітая Сунь Даоюань і Мао Чжу апублікавалі вынікі свайго даследавання ў навуковым часопісе Nature ў сераду.

«Асноўны склад унутранага ядра Марса, верагодна, складаецца з крышталічнага жалезна-нікелевага сплаву, які ўзбагачаны лёгкімі элементамі», — заяўляюць вучоныя.

Паведамляецца, што даследчыкі прааналізавалі звесткі аб землетрасеннях на Марсе, зафіксаваныя марсіянскім зондам НАСА InSight, і вылучылі сейсмічныя фазы, якія прайшлі праз ядро планеты. Адрозненні ў хуткасці хваль паказваюць, што ядро складаецца з некалькіх узроўняў: вонкавага вадкага ядра і цвёрдага ўнутранага ядра.

«Далейшы аналіз упершыню выявіў доказы існавання цвёрдага ўнутранага ядра ўнутры Марса і вымераў яго радыус, які складае каля 600 км, што з’яўляецца адной пятай ад агульнага радыусу Марса. Калі б Марс быў павялічаны да памераў Зямлі, прапорцыі паміж яго ўнутраным і вонкавым ядром былі б дзіўна падобныя на зямныя», — піша Global Times.

Вучоныя дадаюць, што адкрыццё закладвае важную аснову для параўнання эвалюцый Марса і зямлі, а таксама іншых планет зямной групы.