«Сёння ў Беларусі больш як 2,7 тыс. зарадных станцый эксплуатуюцца рознымі аператарамі. Для параўнання, на пачатак года колькасць зарадных станцый было каля 2,2 тыс. Ёсць два нацыянальныя аператары электразарадных станцый, і яшчэ шэраг аператараў не валодаюць такім статусам. Мы лічым, што гэта дастаткова канкурэнтны рынак зараднай інфраструктуры. Ён развіваецца і расце дастаткова высокімі тэмпамі. Чакаем дадатковага прыросту. Думаю, што да канца года мы больш за 3 тыс. зарадных станцый дакладна атрымаем», — сказаў Дзяніс Мароз.

На 1 верасня колькасць электрамабіляў у краіне перавысіла ўжо 70 тыс. Толькі за апошні месяц электрапарк вырас прыкладна на 5 тыс. аўтамабіляў. «Мы працуем над тым, каб дасягнуць 10% электрычных аўтамабіляў у агульным аб’ёме транспарта ў Беларусі да 2030 года. Гэта азначае, што да гэтага моманту трэба будзе пабудаваць каля 16 тыс. зарадных станцый. Мы ў цесным кантакце з аператарамі, развіваем пад гэта нашу энергетычную інфраструктуру і ўпэўнены, што гэту задачу мы ўсе разам рэалізуем», — падкрэсліў міністр.