«Важным крытэрыем ацэнкі дзейнасці любога дзяржаўнага органа з’яўляецца колькасць зваротаў грамадзян, якія паступаюць у сувязі з дзейнасцю адпаведных структур. Адзначаем зніжэнне колькасці зваротаў грамадзян, што паступілі па пытаннях дзейнасці судовых выканаўцаў за мінулы год, на 6 працэнтаў», — сказаў Яўген Каваленка.

Тым не менш агульная колькасць зваротаў склала каля 9 тыс. Паводле слоў міністра, гэта азначае, што яшчэ трэба будзе многае зрабіць, каб узаемадзеянне паміж судовымі выканаўцамі і грамадзянамі якасна забяспечвалася непасрэдна на месцах і не патрабавала ў далейшым накіравання зваротаў.