Разліковая норма працоўнага часу на 2027 год пры поўнай норме яго працягласці складае для пяцідзённага працоўнага тыдня з выхаднымі днямі ў суботу і нядзелю 2050 гадзін, а для шасцідзённага працоўнага тыдня з выхадным днём у нядзелю — 2031 гадзіну.

Як растлумачылі ў прэс-службе Міністэрства працы і сацыяльнай абароны, разліковая норма працоўнага часу на 2027 год устаноўлена зыходзячы з поўнай нормы працягласці працоўнага часу 40 гадзін на тыдзень і разлічана для пяцідзённага працоўнага тыдня зыходзячы з працягласці штодзённай працы ў працоўныя дні з панядзелка па пятніцу 8 гадзін, а ў працоўныя дні, якія непасрэдна папярэднічаюць святочным дням, — 7 гадзін.

Для шасцідзённага працоўнага тыдня — зыходзячы з працягласці штодзённай працы ў працоўныя дні з панядзелка па пятніцу 7 гадзін, у суботу — 5 гадзін, а ў працоўныя дні, якія непасрэдна папярэднічаюць святочным дням, — 6 і 4 гадзіны адпаведна.