Выязная калегія ведамства адбылася ў Івацэвічах. Падчас пленарнага пасяджэння разгледжаны вынікі работы па выкананні пастаўленых задач у сферы ЖКГ за I квартал 2026 года. Начальнік упраўлення эканомікі Міністэрства жыллёва-камунальнай гаспадаркі Ала Раманькова расказала, што за першыя тры месяцы 2026 года адрамантавана 369 тыс. кв. м вулічна-дарожнай сеткі населеных пунктаў і 26,9 тыс. кв. м - у аграгарадках.

Акрамя таго, пасля капітальнага рамонту ўведзена ў эксплуатацыю 209,7 тыс. кв. м жылля, выкананы бягучы рамонт 92,3 тыс. кв. м дахаў жылых дамоў, адрамантавана 583 пад’езды. Таксама заменена 13 412 адзінак састарэлага асвятляльнага абсталявання ў месцах агульнага карыстання на сучасныя святлодыёдныя свяцільні.

Аб выніках ацяпляльнага сезона і падрыхтоўку да зімы 2026/27 года расказаў начальнік упраўлення камунальнай гаспадаркі і энергетыкі Міністэрства жыллёва-камунальнай гаспадаркі Аляксей Філановіч. З мэтай выканання пастаўленай урадам задачы па зніжэнні працягласці сетак ЖКГ са звышнарматыўным тэрмінам эксплуатацыі ў 2025 годзе заменена 549,95 км сетак водазабеспячэння, 173,13 км сетак водаадвядзення (каналізацыі) і 304,3 км цеплавых сетак. На 2026 год устаноўлены планавыя паказчыкі: 328,57 км водазабеспячэння, 148,9 км водаадвядзення і 232,37 км цеплавых сетак.