Напярэдадні заканчэння чвэрці і пачатку восеньскіх канікул, камітэт па ахове здароўя Мінгарвыканкама нагадвае, што ў дашкольных установах, школах і гімназіях Мінска дзейнічае правіла: у перыяд уздыму захворвання віруснымі інфекцыямі ў выпадку хваробы (калі назіраюцца прыкметы вострых рэспіраторных вірусных інфекцый) дзіця можа адсутнічаць на занятках да 5 навучальных дзён без прадастаўлення медыцынскай даведкі з паліклінікі.
Важныя нюансы, пра якія трэба памятаць:
Тэрмін: правіла дзейнічае толькі на перыяд да 5 дзён запар. Калі дзіця хварэе даўжэй — афіцыйная даведка абавязковая.
Калі ласка, абавязкова адразу паведамляйце класнаму кіраўніку, калі ваша дзіця захварэла і засталося дома.
Дадзенае правіла ўстаноўлена пісьмом Міністэрства аховы здароўя № 2-1-7 / 20422 ад 06.10.2023 і дзейнічае да асобага распараджэння.
Што рабіць, калі дзіця захварэла:
Калі ў дзіцяці з’явіліся прыкметы вострай рэспіраторнай інфекцыі (насмарк, тэмпература, кашаль), рэкамендуем пакінуць яго дома. Пры неабходнасці — звярнуцца да ўрача!
Калі дзіця стала адчуваць сябе лепш і гатова вярнуцца да заняткаў на працягу пяці дзён, медыцынскую даведку для вяртання ва ўстанову адукацыі прадастаўляць не патрабуецца.
Важна: гаворка ідзе менавіта аб вострай рэспіраторнай віруснай інфекцыі. Норма не азначае, што пры любым захворванні можна пяць дзён лячыць дзіця дома без медыцынскай дапамогі.
Давайце разам берагчы здароўе нашых дзяцей і паважаць навучальны працэс!
Яна ХМЯЛЬНІЦКАЯ
Фота з адкрытых крыніц
