«У жніўні рынак нерухомасці Гродна паказаў невялікую сезонную карэкцыю: колькасць здзелак знізілася, але горад усё роўна застаўся лідарам сярод абласных цэнтраў Беларусі па актыўнасці», — адзначылі ў камітэце.

Па выніках месяца ў Гродне прададзена 288 кватэр (без уліку доляў). Спецыялісты падкрэслілі, што гэта менш, чым у ліпені (305 здзелак), але больш, чым у жніўні 2025 года (273 кватэры). Сярэдняя цана 1 кв. м — $1077 (без змен у параўнанні з ліпенем).

Упершыню за доўгі час у фокусе пакупнікоў — аднапакаёвыя кватэры: на іх прыпала 35% усіх здзелак. З 1-пакаёвымі зарэгістравана 102 здзелкі, сярэдняя цана — $1205 за кв. м, з 2-пакаёвымі было 96 здзелак, сярэдняя цана — $1131 за кв. м, з 3-пакаёвымі — 74 здзелкі пры сярэдняй цане $1050 за кв. м, з 4-пакаёвымі і больш — 16 здзелак, сярэдняя цана — $920 за кв. м.

Акрамя таго, у камітэце падзяліліся і рэкордамі жніўня. Самы дарагі «квадрат» — $2315 у аднапакаёвай кватэры плошчай 31,1 кв. м у цагляным доме 1961 года пабудовы па пр. Касманаўтаў. Агульны кошт — амаль $72 тыс.

Самая дарагая аднапакаёўка абышлася ў $81 тыс. Гэта кватэра ў доме 2023 года пабудовы на вул. Савецкіх Памежнікаў ($1950 за кв. м). Самая дарагая двухпакаёўка коштам $98 тыс. знаходзіцца ў блокавым доме 2022 года пабудовы на вул. ... Агульная плошча — 69,4 кв. м. 

Абсалютны лідар па цане — трохпакаёвая кватэра плошчай 69,3 кв. м на вул. ... Агульны кошт — $130 тыс.

«Нягледзячы на сезоннае зніжэнне актыўнасці, попыт у Гродне застаецца ўстойлівым. Зрушэнне цікавасці ў бок малагабарытнага жылля адлюстроўвае бягучыя прыярытэты пакупнікоў: даступнасць, ліквіднасць і гатоўнасць да хуткай здзелкі», — рэзюмавалі спецыялісты.