Акрамя таго, свае дзверы адкрыюць сем новых школ на 5238 месцаў. У Брэсцкай вобласці ў Пінску пачне працаваць пачатковая школа № 1 на 471 месца, а таксама прыбудова да сярэдняй школы № 1 у Лунінцы на 660 месцаў. У Гродзенскай вобласці з 1 верасня дзяцей прыме сярэдняя школа № 4 у Астраўцы (510 месцаў). 

У Мінскай вобласці новабудоўлі тры: сярэдняя школа № 2 у Фаніпалі (1050 месцаў), пачатковая школа ў Слуцку (471 месца), сярэдняя школа ў в. Ляскоўка (1020 месцаў). Адкрыецца новая ўстанова і ў сталіцы — сярэдняя школа № 227 (1056 месцаў). Пашпарты гатоўнасці школ падпісваюцца да 20 жніўня. Старт гэтым мерапрыемствам ужо дадзены. Сёлета таксама 55,6 тыс. навучэнцаў будуць карыстацца бясплатным падвозам (1,6 тыс. аўтобусаў). У 2025 годзе закупяць 237 новых аўтобусаў — 61 ужо ў парку. 

• Акрамя таго, да навучальнага года падрыхтаваны 28 абноўленых і новых падручнікаў. Сярод новых навучальных дапаможнікаў — «Асновы бяспекі жыццядзейнасці» для 3-га класа і «Гісторыя Беларусі ў кантэксце сусветнай гісторыі» для 11-га класа. У міністэрстве нагадалі і пра змены ў Кодэксе аб адукацыі з 1 верасня 2025 года. Так, цяпер будзе арганізаваны падвоз школьнікаў на экскурсіі, спартыўныя і іншыя выхаваўчыя мерапрыемствы ў межах населеных пунктаў. 

Таксама ў школах у сельскай мясцовасці (пасёлках гарадскога тыпу) і спецыялізаваных ліцэях, Мінскім Сувораўскім ваенным вучылішчы, кадэцкіх вучылішчах змогуць навучаць ваджэнню. Будзе ўведзены дзелавы стыль адзення на ўроках (акрамя фізкультуры і працы). Бацькі дзяцей, якія пражываюць у нашай краіне, абавязаны забяспечыць атрыманне адукацыі ў Беларусі. Вучоба ў 10-х класах завершыцца 25 мая для вучэбна-палявых збораў (10 дзён). 

Рэпетыцыя цэнтралізаванага экзамену будзе праходзіць з арганізаваным падвозам. А таксама з 2026 года будзе магчыма вызваленне ад выпускных экзаменаў у 11-м класе па медыцынскіх паказаннях. Абнавілі ў Беларусі і навучальны план. Так, новая праграма і тры ўрокі ў тыдзень у прадмета «Фізічная культура і здароўе». Таксама прадугледжаны гадзіны па выяўленчым мастацтве, АБЖ, чарчэнні і мастацтве для школьнікаў, якія навучаюцца дома па медыцынскіх паказаннях. 

«Школы — гатовыя. Настаўнікі — на месцах. Дзеці — да ведаў. Краіна расце разам з новым навучальным годам», — адзначылі ў міністэрстве.