Top.Mail.Ru

Комплексныя камандна-штабныя вучэнні МУС праходзяць у Гомельскай вобласці

У Гомельскай вобласці праходзіць другі этап комплексных камандна-штабных вучэнняў па праверцы гатоўнасці падраздзяленняў Міністэрства ўнутраных спраў да дзеянняў у асаблівых умовах, паведамляе БелТА.



Напярэдадні адбыўся першы этап вучэнняў. Удзельнікі прааналізавалі розныя сцэнарыі развіцця аператыўнай абстаноўкі і адпрацавалі алгарытмы рэагавання на іх. Асаблівая ўвага ўдзялялася зладжанасці дзеянняў на ўсіх узроўнях кіравання. У мерапрыемствах прынялі ўдзел першы намеснік міністра ўнутраных спраў — начальнік міліцыі грамадскай бяспекі Юрый Назаранка, намеснік міністра ўнутраных спраў — камандуючы ўнутранымі войскамі Мікалай Карпянкоў, начальнік УУС Гомельскага аблвыканкама Аляксандр Шастайла, кіраўніцтва аблвыканкама, а таксама прадстаўнікі сумежных ведамстваў рэгіёна.

Сёння пачалася актыўная фаза вучэнняў, якая прадугледжвае практычную адпрацоўку дзеянняў падраздзяленняў у розных умовах. У Гомелі да 18.00 часткова абмежаваны рух і спыненне транспартных сродкаў на некаторых вуліцах. Таксама часткова абмежаваны рух і ўезд на тэрыторыю паркоўкі гасцініцы «Сож». У перыяд правядзення вучэнняў магчыма перамяшчэнне спецыяльнай і ваеннай тэхнікі. У МУС рэкамендуюць вадзіцелям улічваць часовыя абмежаванні і загадзя планаваць маршруты.

Адзін з этапаў практычнай часткі пройдзе ў Добрушы. Паблізу аб’екта могуць быць чутны гукі выбухаў і выстралаў.

arrow
Нашы выданні

Толькі самае цікавае — па-беларуску!

Напішыце ў рэдакцыю