«Ні ў якім разе не зніжаць патрабаванняў, пакуль ты працуеш у ВАК кіраўніком. Ніякага зніжэння быць не павінна, — сказаў кіраўнік дзяржавы, звяртаючыся да старшыні Вышэйшай атэстацыйнай камісіі Аляксандра Гучка. — Ведаю, табе няпроста. Кожны хоча мець ступень. А я хачу, каб ён не толькі меў ступень, а быў сапраўдным вучоным. Не трэба прыніжаць ролю вучоных».

Аляксандр Лукашэнка падкрэсліў, што хай будзе менш дактароў навук, але важны вынік. «За ім павінна стаяць школа», — упэўнены Прэзідэнт.

«Не думайце, што мы аслабім тут жым. Мы гэтым самым падтрымліваем сапраўдных вучоных. Пакуль я Прэзідэнт, я ад вас буду патрабаваць гэтага. Краіне патрэбныя добрыя вучоныя! Не павінна быць пасрэднасцяў», — заявіў беларускі лідар.

Аналагічна кіраўнік дзяржавы выказаўся і на адрас выкладчыкаў, каб яны не чыталі лекцыі па «жоўтых канспектах». Важна прытрымлівацца сучасных тэндэнцый і не адставаць ад практыкі, а не арыентавацца толькі на факт наяўнасці ступені.