Удзел у сапраўдным навукова-практычным форуме прымуць навукоўцы, літаратуразнаўцы, пісьменнікі, краязнаўцы, супрацоўнікі бібліятэк, музеяў, адукацыйных устаноў, удзельнікі грамадска-культурных аб’яднанняў, студэнцкая моладзь, журналісты.

Чытанні пачнуцца з інфармацыйных праглядаў літаратуры: «Паміж радкоў: гродзенскі акцэнт» і «Чытаем творы беларускіх аўтараў ад А да Я». 

З дакладам «Пісьменнік у рэгіёне: дасягненні, праблемы, перспектывы» на чытаннях выступіць старшыня Гродзенскага абласнога аддзялення Саюза пісьменнікаў Беларусі Людміла Кебіч. Пра гістарычныя і сучасныя аспекты ў творах пісьменнікаў, якія лёсам сваім звязаны з Гроднам і Гродзеншчынай, будуць весці размову Дзмітрый Радзівончык, Аляксандр Сявенка, Жанна Стурэйка, Юлія Чамярыс, іншыя літаратары, навукоўцы, бібліятэкары. 

Прыкметны і важкі ўдзел у Гродзенскіх чытаннях студэнцкай моладзі. 

Мікола БЕРЛЕЖ