Размова пойдзе пра міжнародныя літаратурныя сувязі, вартасці мастацкага перакладу, пра кампаратывісцкія даследаванні, якія дазваляюць параўноўваць мастацкія з’явы ў літаратурах народаў свету. 

У фармаце анлайн да творчых дыскусій падключацца паэты, празаікі, перакладчыкі, літаратуразнаўцы з Расійскай Федэрацыі, Азербайджана, Арменіі, Кітая, Малдовы, Узбекістана, Казахстана і іншых краін. 

У час круглага стала ў фармаце анлайн будуць падпісаны пагадненні аб супрацоўніцтве Саюза пісьменнікаў Беларусі з творчымі супольнасцямі Малдовы, а таксама Рэспублікі Марый Эл Расійскай Федэрацыі. 

— У нас даўно склаліся добрыя адносіны з пісьменнікамі з розных куточкаў свету, — каменціруе падзею першы намеснік старшыні Саюза пісьменнікаў Беларусі Алена Стэльмах. — І ўпэўнена, што новая сустрэча ў фарматах афлайн і анлайн прынясе новыя творчыя ініцыятывы, паспрыяе развіццю літаратурнай дыпламатыі, дазволіць шырэй расказваць у свеце пра перавагі міралюбівай палітыкі нашай дзяржавы, разважлівага, міралюбнага стаўлення нашых творцаў і ўсяго беларускага народа да розных краін і народаў на ўсёй планеце Зямля. 

Мікола Берлеж