Нядаўна кіраўнік дзяржавы Аляксандр Лукашэнка анансаваў вялікую нараду з урадам па выніках работы эканомікі за мінулы перыяд. Паводле слоў Дзмітрыя Крутога, размова будзе значна шырэйшая, чым проста падвядзенне вынікаў.

«З улікам таго, што ў канцы года трэба правесці Усебеларускі народны сход і разгледзець канчатковую версію праграмы сацыяльна-эканамічнага развіцця на наступныя пяць гадоў, напэўна, праз гэту прызму будзе ісці і размова з урадам», — сказаў кіраўнік Адміністрацыі Прэзідэнта.

Па яго словах, у графіку беларускага лідара таксама вельмі шмат міжнародных візітаў. «У Прэзідэнта вельмі шмат запрашэнняў. Мы зараз сумесна з МЗС стараемся з нашымі міжнароднымі партнёрамі гэтыя візіты канчаткова вызначыць», — адзначыў Дзмітрый Крутой.

Анансаваны і шэраг вялікіх размоў па сітуацыі ў асобных галінах эканомікі, напрыклад у дрэваапрацоўцы і лёгкай прамысловасці.