Спаборніцтвы пяціборцаў праходзяць у рамках фіналу міжнароднага турніру «Кубак Паўла Леднева», куды адабраліся 66 лепшых спартсменаў па выніках трох папярэдніх этапаў. Праграму Кубка наймацнейшых адкрыў адборачны раўнд па фехтаванні, паўфінал у жанчын пройдзе 10 верасня, мужчыны вызначаць фіналістаў 11 верасня. Медалі турніру будуць разыграны 12 верасня.

Нашу краіну ў жаночым заліку прадставяць 16 дзяўчат, у тым ліку двухразовая ўладальніца Кубка Леднева Марыя Гнедчык і прызёры этапу Кубка свету — 2025 Віялета Гурэева і Анастасія Малашэнака. У мужчын заяўлены 18 беларусаў, сярод іх дзеючы чэмпіён краіны Максім Марук і пераможца нядаўняга Кубка Саюзнай дзяржавы і чэмпіён свету-U17 Акім Гнедчык.

Спаборніцтвы Кубка наймацнейшых спартсменаў прымаюць басейн міжнароднага стандарту, а таксама лёгкаатлетычны манеж і стадыён БДУФК.