«Сёння тут прысутнічаюць супрацоўнікі з усіх рэгіёнаў. Відаць, што турзлёт праводзіцца не па загадзе, а па жаданні супрацоўнікаў. Ён прасякнуты духам патрыятызму і згуртаванасці, вынослівасці і сілы духу. Рады бачыць побач нашы сем’і, нашых дзяцей. Упэўнены, усе атрымаюць яркія ўражанні ад спаборніцтваў. Для гэтага тут створаны ўсе ўмовы. З’явіўся і новы від: эстафета для кіруючага складу ведамства. Сёння мы выпрабуем сябе ў марш-кідку. Усё гэта не толькі дзеля карысных спартыўных нагрузак, але і згуртавання. Выпрабаванні пройдзем усе разам. Пераможаных не будзе, сёння перамагае толькі сяброўства», — заўважыў Іван Кубракоў.

Па традыцыі побач з міліцыянерамі з розных куткоў краіны і іх сем’ямі сабраліся курсанты і ліцэісты, выхаванцы ваенна-патрыятычных клубаў, ветэраны ведамства. 

Праграма працягнулася марш-кідком кіраўнікоў на паласе перашкод АМАПу. Міністр і яго намеснікі, начальнікі ГУУС/УУС і іх намеснікі, камандзіры вайсковых часцей унутраных войскаў МУС пераадолеюць маршрут агульнай працягласцю больш за сем кіламетраў у форме эстафеты, якая складаецца з шасці этапаў.