Як патлумачыла памочнік начальніка Салігорскага РАУС па кантролі за рэгістрацыйна-ўліковай дысцыплінай Вольга Дунец, такая практыка сапраўды існуе.

Грамадзяне і арганізацыі звяртаюцца ў міліцыю, каб зафіксаваць факт і абставіны пашкоджанняў аўтамабіляў у выніку падзення дрэў або іншых падобных здарэнняў. Гэтыя матэрыялы затым могуць быць прадстаўлены ў суд або страхоўшчыкам.

Падчас праверкі супрацоўнікі таксама звяртаюць увагу на відавочныя інсцэніроўкі, а таксама на наяўнасць супрацьпраўных альбо крымінальных падзей.

Пытанне аб кампенсацыі шкоды і яго аб’ёме залежыць ад асаблівасцяў сітуацыі. Напрыклад, калі ўладальнік прыпаркаваў аўтамабіль з парушэннямі правілаў або ў зоне, маркіраванай камунальнымі службамі як небяспечная, адказнасць можа перайсці на яго.