У Беларусі 18 чэрвеня пацяплее, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Будзе пераважна без ападкаў, толькі па паўночным усходзе часам пройдуць дажджы. Уначы і раніцай месцамі прагназуецца слабы туман. Вецер заходні 5-10 м/с, па паўночным усходзе парывы да 14 м/с.
Тэмпература паветра мінімальная ноччу складзе 7-13, максімальная днём — 19-25 градусаў.
