Кыргызстан зацікаўлены ў магчымасцях беларускіх санаторыяў і медцэнтраў для аздараўлення сваіх грамадзян, паведамілі БелТА ў Нацыянальным агенцтве па турызме па выніках сустрэчы дырэктара Нацыянальнага агенцтва па турызме Кірыла Машарскага з Надзвычайным і Паўнамоцным Паслом Кыргызскай Рэспублікі ў Рэспубліцы Беларусь Эрбалам Султанбаевым.
Бакі абмеркавалі ключавыя аспекты двухбаковага супрацоўніцтва і перспектывы пашырэння ўзаемадзеяння ў турыстычнай галіне. Асаблівая ўвага нададзена развіццю медыцынскага і лячэбна-аздараўленчага турызму.
«Кыргызскі бок выказаў зацікаўленасць у магчымасцях беларускіх санаторыяў і медыцынскіх цэнтраў для аздараўлення сваіх грамадзян. Важным вынікам перагавораў стала пацвярджэнне намеру Кыргызстана прыняць удзел у міжнародным вясновым кірмашы турыстычных паслуг „Адпачынак-2026“, які пройдзе ў Мінску 9—11 красавіка», — адзначылі ў Нацыянальным агенцтве па турызме.
Кыргызскія партнёры на выставе змогуць шырока прэзентаваць свой нацыянальны турпрадукт і ўстанавіць прамыя кантакты з прадстаўнікамі беларускага турыстычнага бізнесу.
«Умацаванне партнёрства з Кыргызстанам разглядаецца як адзін з перспектыўных напрамкаў у рамках пашырэння супрацоўніцтва на прасторы СНД», — дадалі ў Нацыянальным агенцтве.
