Абедзве каманды занялі першыя месцы ў сваіх канферэнцыях па выніках рэгулярнага чэмпіянату — «Лакаматыў» набраў 102 ачкі на Захадзе і выйграў Кубак Кантынента, «Трактар» быў лепшым на Усходзе з 96 баламі. У плэй-оф яраслаўцы выбілі з барацьбы ніжагародскае «Тарпеда» (4:0), омскі «Авангард» (4:3) і Уфімскі «Салават Юлаеў» (4:1); Чэлябінскі клуб прайшоў «Адмірал» з Уладзівастока (4:2), а таксама мінскае і маскоўскае «Дынама» (абодва разы па 4:1).

Для кожнай з каманд перамога ў розыгрышы Кубка Гагарына будзе першай у яе гісторыі. «Лакаматыў» дабіраўся да фіналу сезона двойчы: у 2009 годзе «чыгуначнікі» прайгралі «Ак Барсу», а мінулай вясной саступілі «Металургу». У актыве «Трактара» да гэтага быў толькі прайграны дынамаўцам з Масквы фінал 2013 года. Першы паядынак серыі да чатырох перамог стартуе ў Яраслаўлі ў 19:00, тры наступныя гульні адбудуцца 15, 17 і 19 мая.

У папярэднія сезоны КХЛ галоўны трафей лігі па тры разы заваёўвалі казанскі «Ак Барс» (2009, 2010, 2018), маскоўскі ЦСКА (2019, 2022, 2023) і магнітагорскі «Металург» (2014, 2016, 2024), па дзве перамогі ў піцерскага СКА (2015, 2017) і маскоўскага «Дынама» (2012, 2013), аднойчы чэмпіёнамі станавіліся «Салават Юлаеў» (2011) і «Авангард» (2021).