«Для мяне пачэсна было несці Дзяржаўны сцяг», — сказала Алёна Ланская.

Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь выканаўца лічыць адным з самых галоўных свят, якія аб’ядноўваюць беларускі народ.

«Мы сёння тут сабраліся для таго, каб пранесці наш сцяг, які мы адстойвалі ў 2020 годзе асабліва ярка, які мае ўнікальныя колеры, гарманічныя. Колер зямлі — зялёны, чырвоны — колер агню і белы колер — чысціні», — сказала яна.

Алёна Ланская заўважыла, што памятае той час, калі было ўстаноўлена свята. «Я памятаю той дзень. Я памятаю гэты святочны канцэрт», — сказала яна, дадаўшы, што прысутнічаць сёння на святкаванні вельмі пачэсна.

Шэсце з самым вялікім сцягам Беларусі па праспекце Пераможцаў у Мінску стала часткай мерапрыемстваў па ўшаноўванні дзяржаўных сімвалаў рэспублікі. Палотнішча Дзяржаўнага сцяга ўражвае — 500 м даўжынёй і 9 м шырынёй. Вага — больш за 400 кг. Адначасова яго неслі больш за 700 чалавек. Хоць жадаючых паўдзельнічаць у акцыі было значна больш.