Як паведамляюць латвійскія СМІ, забарона будзе дзейнічаць з 1 лістапада 2026 года да 31 кастрычніка 2027 года. Яна распаўсюджваецца на ўсіх перавозчыкаў, незалежна ад краіны рэгістрацыі юрыдычнай асобы або транспартнага сродку. Цяпер абмежаванні дзейнічаюць да 31 кастрычніка 2026 года.

Забарона датычыцца рэйсаў, якія курсуюць праз пункт пропуску «Патэрніекі» на граніцы з Беларуссю (з беларускага боку — «Грыгароўшчына»), а таксама пункты «Грэбнева» і «Церахава» на граніцы з РФ (з расійскага боку — «Пабылінка» і «Бурачкі»).

Абмежаванні на рэгулярныя пасажырскія перавозкі пакуль не ўведзены. Аднак падрыхтаваны папраўкі да закона аб аўтаперавозках, у якіх прадугледжана забарона з 10 студзеня 2027 года рэгулярных і нерэгулярных міжнародных пасажырскіх перавозак аўтобусамі ў Беларусь і РФ, а таксама забарона на міжнародныя транзітныя перавозкі праз тэрыторыю Латвіі ў гэтыя краіны.