Так, у краіне назіраецца найбольшая розніца ў рызыцы беднасці паміж дзецьмі да 6 гадоў і асобамі старэйшымі за 75 гадоў сярод усіх краін ЕС. А ўзровень заработнай платы пачынае зніжацца пасля дасягнення 50 гадоў.

Паводле слоў экспертаў, Латвія знаходзіцца ў няпростай сітуацыі, таму што ёй трэба «фінансаваць даходы цяперашніх пенсіянераў і ствараць лепшыя ўмовы для новых пакаленняў». «Калі дзяржава накіруе вельмі шмат рэсурсаў на пенсіі і іншыя дапамогі, узнікне недахоп сродкаў на адукацыю, догляд дзяцей і падтрымку сем’яў. Калі ж пенсіі застануцца нізкімі, беднасць можа прывесці да павелічэння расходаў на ахову здароўя і сацыяльны догляд, а таксама да зніжэння даверу да сістэмы сацыяльнага страхавання», — адзначаюць эканамісты. Такім чынам, узнікае рызыка заганнага круга.