Генадзь Юшкевіч — з ліку самых юных разведчыкаў у СССР. У канцы вайны трапіў у адну з найбольш паспяховых у свеце разведвальна-дыверсійных груп з пазыўным «Джэк». У нямецкі тыл быў закінуты разам з будучым галоўным рэдактарам галоўнай рэдакцыі інфармацыі Беларускага тэлеграфнага агенцтва Напалеонам Рыдзеўскім, які пасля напісаў кнігу «Парашуты на дрэвах».

Першы час Генадзь Юшкевіч быў сувязным партызанскай разведгрупы «Чайка». Юны партызан удзельнічаў у засадах на шашэйных дарогах, падрывах варожых эшалонаў, знішчэнні ліній сувязі. Два гады разведвальна — дыверсійнай працы ў «Чайцы» сталі неацэнным вопытам, які потым спатрэбіўся Генадзю пры разведцы на варожай тэрыторыі — ва Усходняй Прусіі, пад Кёнігсбергам.

За 179 дзён працы групы «Джэк» было перададзена 67 радыёграм. Разведчыкі збіралі даныя аб перамяшчэннях ворага па чыгунцы і шашы ад Кёнігсберга і Істэнбурга ў бок мяжы з Усходняй Прусіяй. Фіксавалі наяўнасць і стан абарончых рубяжоў, засяроджванне войскаў і ваеннай тэхнікі, месцазнаходжанне сховішчы з гаручым і ваеннымі матэрыяламі. Для здабычы разведданых практыкаваўся захоп «мовы».