У Іванаўскім раёне 14 студзеня каля 08.27 адбылося ДТЗ з удзелам пешахода. Паводле папярэдняй інфармацыі, 40-гадовы жыхар Іванава на Volkswagen рухаўся па вул. Леніна ў вёску Ляскавічы ў напрамку ад аграгарадка Дружылавічы да горада Іванава і наехаў на 56-гадовую мясцовую жыхарку. Яна перасякала праезную частку дарогі па нерэгуляваным пешаходным пераходзе злева направа па ходзе руху аўтамабіля. У выніку ДТЗ жанчына шпіталізаваная. Праводзіцца праверка.

У Дзяржаўтаінспекцыі нагадваюць, што пешаходны пераход з’яўляецца зонай павышанай увагі. Пры набліжэнні да яго неабходна загадзя зніжаць хуткасць, асабліва ў зімовых умовах, і быць гатовым да з’яўлення ўразлівых удзельнікаў дарожнага руху.

Пешаходам таксама варта быць уважлівымі пры пераходзе праезнай часткі. Супрацоўнікі ДАІ заклікаюць перад выхадам на яе неабходна агледзецца па баках і быць прадказальным для кіроўцаў. У цёмны час сутак і пры недастатковай бачнасці важна абазначыць сябе святлоадбівальнымі элементамі.