Удзельнікамі спаборніцтваў сталі 7 чалавек з розных рэгіёнаў краіны, якія прайшлі папярэдні адбор. На рэспубліканскім узроўні работнікаў чакала два этапы: тэарэтычны і практычны. Першы этап праверыў веды ўдзельнікаў па спецыяльнасці і тэхніцы бяспекі. Таксама на практыцы неабходна было прадэманстраваць майстэрства ў хуткасці і дакладнасці перамяшчэння 500-кілаграмовага грузу.

— У сферы будаўніцтва конкурсы прафмайстэрства праходзяць па розных прафесіях. І мы бачым, што ўсё больш работнікаў паказваюць гатоўнасць прадэманстраваць сваё майстэрства. І не толькі для таго, каб атрымаць прызнанне і ўзнагароды. Але ў першую чаргу для таго, каб паразмаўляць з калегамі з іншых арганізацый, ацаніць свае магчымасці і абмяняцца вопытам. Такія конкурсы — гэта стымул расці і развівацца ў абранай прафесіі, — адзначыў старшыня Беларускага прафсаюза работнікаў будаўніцтва і прамбудматэрыялаў Дзмітрый Прасвіракоў.

Па выніках усіх выпрабаванняў першае месца заняў удзельнік з Брэста Цімафей Петрашаў (філіял «СУ нумар 158» ААТ «Будаўнічы трэст нумар 8). Другое месца ва ўдзельніка з Мінска Максіма Каляды (ААТ «122 УНРМ»). Трэцім стаў Віктар Крукаў з Гродна (УМСР ААТ «Гроднапрамбуд»).

Трэба адзначыць, што конкурсы прафесійнага майстэрства, арганізатарамі якога традыцыйна выступаюць прафсаюзы сумесна з наймальнікамі, праводзяцца ва ўсіх галінах. Акрамя таго, прафсаюзы стараюцца замацаваць у галіновых пагадненнях і калектыўных дагаворах нормы, якія прадугледжваюць не толькі павышэнне кваліфікацыі работнікаў, але і магчымасць устанаўлення для ўдзельнікаў працоўных спаборніцтваў дадатковых выплат і надбавак.

Алена КРАВЕЦ