Па словах старшыні Беларускай гандлёва — прамысловай палаты Міхаіла Мятлікава, на конкурсе сёлета рэкордная колькасць фіналістаў і пераможцаў — 185. Іх уклад у экспарт краіны па выніках мінулага года склаў больш за 10 мільярдаў долараў, што складае 21% ад усяго экспарту. Усяго ў конкурсе 19 пераможцаў у 17 намінацыях. Іх непасрэдны ўклад у экспарт склаў больш за 5 мільярдаў долараў. У пераліку на аднаго працуючага ў гэтых прадпрыемствах, унёсак складае больш за 100 тысяч долараў на кожнага.

— Пераможцаў мы вызначалі па агульных выніках экспарту, па выніку экспарту на аднаго работніка. Улічваецца, вядома, геаграфія экспарту, наяўнасць уласнай тавараправоднай сеткі за мяжой. Пераможцы ў 17 намінацыях пастаўлялі прадукцыю ў 113 краін свету — гэта добры вынік для 19 нашых прадпрыемстваў. Мы іх шануем і ганарымся, — падкрэсліў кіраўнік БелГПП.

Міністр замежных спраў Максім Рыжанкоў падчас святочнай цырымоніі ўзнагароджання падкрэсліў, што беларускія прадпрыемствы, знаходзячыся ў досыць складаных умовах, звязаных з санкцыйным ціскам, справіліся з асноўнай задачай па ўтрыманні экспарту нашай прадукцыі і сёння могуць паспяхова прэзентаваць і прадаваць тавары, паслугі, дамагацца ўліку інтарэсаў Беларусі на самых далёкіх і раней не доследных рынках. 

— Я вельмі добра сабе ўяўляю працу многіх канкрэтных экспарцёраў, міністэрстваў, ведамстваў, нашых паслоў па дасягненні тых задач, якія стаяць у нашай эканоміцы сёння. І хачу сказаць, што той вынік, якога мы дасягнулі за паўгода ў гэтых няпростых умовах — гэта, як казаў класік, не подзвіг, але нешта гераічнае ў гэтым ёсць,- адзначыў кіраўнік знешнепалітычнага ведамства, сарваўшы тым самым апладысменты залы.

Таксама Максім Рыжанкоў агучыў прывітальны адрас ад імя прэм’ер-міністра Аляксандра Турчына.