У Мінпрацы падкрэслілі, што пераможцаў вызначылі на аснове рэйтынгавай ацэнкі і праверачных мерапрыемстваў. Так, званне «Найлепшы сацыяльны пансіянат 2025 года» атрымаў Сялюцкі сацыяльны пансіянат «Тэрыторыя дабра» (Віцебская вобласць). Прызавыя месцы занялі Васілішкаўскі дзіцячы сацыяльны пансіянат «Васількі» (Гродзенская вобласць) і Луначарскі сацыяльны пансіянат «Сямейная ўтульнасць» (Віцебская вобласць).

У той жа час званне «Найлепшы тэрытарыяльны цэнтр 2025 года» атрымаў Цэнтр сацыяльнага абслугоўвання насельніцтва Мастоўскага раёна (Гродзенская вобласць). Другое месца — у ТЦСАН Гарадоцкага раёна (Віцебская вобласць), трэцяе — у Лельчыцкага ТЦСАН (Гомельская вобласць).