У форуме прымуць удзел звыш 1700 прадстаўнікоў з больш як 90 краін і рэгіёнаў свету. У рамках мерапрыемства, галоўная тэма якога «Маштабныя інавацыі», дыскусіі галоўным чынам будуць сканцэнтраваны на тым, як вызначыць наступны этап развіцця кітайскай эканомікі і як можна выкарыстоўваць тэхналогіі для дасягнення практычнай эканамічнай выгады.

Гаа Вэйці, прадстаўнік Дзяржаўнага камітэта па справах развіцця і рэформ КНР, заявіла, што асноўная ўвага на маючым адбыцца мерапрыемстве будзе ўдзелена перадавым галінам, такім як штучны інтэлект, новыя крыніцы энергіі, біямедыцына і квантавыя тэхналогіі.

Чакаецца, што гэтае мерапрыемства прадэманструе міжнароднай супольнасці дасягненні Кітая ў галіне высакаякаснага развіцця эканомікі і цвёрдую прыхільнасць краіны да курсу на адкрытасць і супрацоўніцтва, а таксама дазволіць падзяліцца шырокімі магчымасцямі, якія адкрывае кітайская мадэрнізацыя.

Форум «Летні Давос», заснаваны СЭФ у 2007 годзе, штогод праводзіцца ў Кітаі па чарзе ў двух партовых гарадах — Цяньцзіні (Паўночны Кітай) і Даляне.