Намеснік Прэм’ер-міністра Наталля Пяткевіч прымае ўдзел у 111-м пасяджэнні Эканамічнага савета СНД у Ашхабадзе, паведамілі БелТА ў прэс-службе ўрада.
У ходзе пасяджэння плануецца разгледзець больш як 20 пытанняў, у тым ліку праекты канцэпцыі лічбавай трансфармацыі галін лесапрамысловага комплексу дзяржаў — удзельніц СНД і плана мерапрыемстваў па яе рэалізацыі, комплекснага плана мерапрыемстваў на 2026-2030 гады па рэалізацыі Міждзяржаўнай праграмы інавацыйнага супрацоўніцтва дзяржаў — удзельніц СНД на перыяд да 2030 года і іншыя.
