Кіраўнік дзяржавы нагадаў, што ў свой час, пасля распаду Савецкага Саюза, прыйшлося займацца аднаўленнем некалі паспяховых сельскагаспадарчых арганізацый, якія аказаліся ў 1990-х не ў самым лепшым становішчы. І тады ў шэрагу краін пайшлі па шляху продажу зямлі. Але Беларусь зрабіла для сябе іншы выбар, і цяпер эфектыўна працуюць калгасы, саўгасы і гэтак далей. У такой адладжанай сістэме ёсць магчымасць перадаваць, напрыклад, фермерам асобныя землі для вядзення сельскай гаспадаркі.

«Тады мне давялося паказаць: вось гэтым шляхам мы пойдзем — буйнатаварныя гаспадаркі. Але калі хтосьці хоча стаць фермерам — калі ласка, вам зямля. Сёння наогул праблем няма. Бярыце любую гаспадарку. Зразумела, "Рассвет" вам ніхто не аддасць, вы ж разумееце, што тут і бойка будзе яшчэ за гэты "Рассвет" або за землі нейкія. Гэта ж сяляне, нельга тут ламаць... Трэба акуратна», — падкрэсліў Аляксандр Лукашэнка.

Сёння няма ніякіх праблем фермерскія гаспадаркі ствараць, дадаў ён. Але складанасць у тым, што на дадзены момант многія, хто звяртаецца з просьбай аб прадастаўленні зямель сельгаспрызначэння, хацеў бы мець «вялікія латыфундыі», гэта значыць, займацца буйнатаварнай вытворчасцю, але на прыватным узроўні. «Калі ласка. У нас ёсць. Але адразу кажу, што гаспадаркі, якія добра працуюць (іх большасць), вядома, ніхто не аддасць. Навошта іх ламаць? Працуюць — няхай працуюць. А там, дзе трэба прыкласці руку прыватніку, — калі ласка, будзем падтрымліваць», — заявіў кіраўнік дзяржавы.

«З тым, хто працуе, з тымі і размаўляем», — дадаў ён.