Праект міжнароднага дагавора накіраваны на забеспячэнне ўзаемнага электроннага гандлю ў рамках унутранага рынку ЕАЭС, захаванне правоў і законных інтарэсаў яго ўдзельнікаў, вызначэнне правілаў узаемадзеяння паміж імі.

Прадугледжваецца, у прыватнасці, замацаванне прынцыпаў і ўмоў электроннага гандлю (недыскрымінацыя, забеспячэнне свабоды перамяшчэння тавараў і аказання паслуг, якія спадарожнічаюць такому гандлю), парадку прымянення электроннага дакументаабароту, забеспячэння абароны даных і інфармацыйнай бяспекі. Савету ЕЭК плануецца прадаставіць паўнамоцтвы па ўстанаўленні агульных патрабаванняў і правілаў для ўдзельнікаў электроннага гандлю.

На правядзенне перагавораў па праекце пагаднення і яго падпісанне ўпаўнаважаны ўрад.

Рэалізацыя пагаднення дасць магчымасць забяспечыць рост аб’ёмаў гандлю і павысіць узровень абароны правоў спажыўцоў.