Прэзідэнт Беларусі Аляксандр Лукашэнка павіншаваў Прэзідэнта Егіпта Абдэль Фатаха аль-Сісі з днём нараджэння. Пра гэта БелТА паведамілі ў прэс-службе беларускага лідара.
«Упэўнены прагрэс Егіпта, умацаванне яго эканамічнага патэнцыялу і актыўная пазіцыя на міжнароднай арэне з’яўляюцца ў значнай ступені вынікам вашай шматгадовай дзяржаўнай дзейнасці, — гаворыцца ў віншаванні. — Каір працягвае адыгрываць важную ролю ў пошуку палітычных шляхоў урэгулявання канфліктаў і падтрымцы міру на Блізкім Усходзе і ў Афрыцы».
Кіраўнік дзяржавы адзначыў, што сувязі паміж Беларуссю і Егіптам набываюць усё больш змястоўны характар. «Павялічваецца ўзаемны тавараабарот, рэалізуюцца рашэнні беларуска-егіпецкай сумеснай гандлёвай камісіі. Дынамічна развіваецца і гуманітарнае супрацоўніцтва, у тым ліку ў сферы адукацыі і аздараўлення егіпецкіх дзяцей у Беларусі», — падкрэсліў ён.
Аляксандр Лукашэнка таксама вітаў гатоўнасць Абдэль Фатаха аль-Сісі наведаць Беларусь: «Перакананы, сустрэча стане добрай магчымасцю для працягу давернага дыялогу і паспрыяе ажыццяўленню новых ініцыятыў».
Прэзідэнт Беларусі пажадаў Прэзідэнту Егіпта моцнага здароўя і поспехаў, а дружалюбнаму егіпецкаму народу — стабільнасці і працвітання.