Мемарыяльны комплекс «Помнік славы і пакутніцтва» — адзін з сімвалаў барацьбы народа Алжыра за незалежнасць і памяці аб ахвярах, прынесеных у ходзе вайны з Францыяй (1954—1962 гг.). 

Комплекс быў адкрыты 5 ліпеня 1982 года ў 20-ю гадавіну незалежнасці Алжыра. Ён уключае помнік вышынёй 92 метры, які складаецца з трох стылізаваных жалезабетонных пальмавых лістоў, Вечнага агню, склепа з астанкамі загінулых байцоў, амфітэатра і музея «Эль-Муджахід». Каля падножжа кожнага ліста ўстаноўлены скульптуры змагароў за незалежнасць Алжыра ў розныя гістарычныя перыяды.