«Стварэнне вашага падраздзялення было адказам на выклікі новага часу, звязаныя з маштабнымі тэхнагеннымі аварыямі і прыроднымі катастрофамі, неабходнасцю аператыўнага рэагавання на іх і выратавання нашых грамадзян», — гаворыцца ў віншаванні.

Кіраўнік дзяржавы адзначыў, што за гэтыя гады ўдалося сфарміраваць калектыў прафесіяналаў найвышэйшага класа, які складаецца з ратавальнікаў, кінолагаў, выбухатэхнікаў, вадалазаў, хімікаў, медыкаў і іншых спецыялістаў. Створана салідная матэрыяльна-тэхнічная база, назапашаны вялікі вопыт і напрацаваны кампетэнцыі для дзеянняў у самых складаных надзвычайных сітуацыях, дзякуючы чаму падраздзяленне стала часткай Калектыўных сіл аператыўнага рэагавання АДКБ і паўнапраўным членам Корпуса сіл СНД. «Вы годна праявілі сябе ў дзясятках выратавальных аперацый па ўсім свеце», — падкрэсліў беларускі лідар.

Прэзідэнт падзякаваў за службу ўсім работнікам і ветэранам атрада: «Ваша работа па выратаванні людзей, гуманітарная дзейнасць і высокія спартыўныя дасягненні — дастойны ўклад у развіццё нашай краіны і ўмацаванне яе аўтарытэту на міжнароднай арэне, яркі прыклад адданага служэння беларускаму народу».

Аляксандр Лукашэнка пажадаў работнікам і ветэранам рэспубліканскага атрада спецпрызначэння «ЗУБР» МНС моцнага здароўя, шчасця, дабрабыту, мірнага неба над галавой і новых поспехаў на карысць роднай Беларусі.