Прэзідэнт Беларусі Аляксандр Лукашэнка ад імя суайчыннікаў і сябе асабіста павіншаваў народ Нарвегіі з Днём Канстытуцыі. Пра гэта паведамілі ў прэс-службе беларускага лідара.
Кіраўнік дзяржавы выказаў надзею, што сапраўдны росквіт у развіцці беларуска-нарвежскага партнёрства яшчэ наперадзе. «Упэўнены, нягледзячы на штучныя бар’еры, беспадстаўна створаныя сучаснымі палітыкамі, мы знойдзем магчымасць вярнуцца да паўнацэннага дыялогу на карысць абедзвюх дзяржаў, — падкрэсліў Прэзідэнт. — Рэспубліка Беларусь гатовая да аднаўлення канструктыўнага супрацоўніцтва з Каралеўствам Нарвегія ва ўсіх сферах узаемнай цікавасці».«Гэты асноўны дакумент як у вашай краіне, так і ў Беларусі мае глыбокія гістарычныя і прававыя карані, з’яўляецца тым падмуркам, які аб’ядноўвае нашу культурную, рэлігійную і нацыянальную разнастайнасць у адзінае цэлае», — гаворыцца ў віншаванні.
Аляксандр Лукашэнка пажадаў народу Нарвегіі шчасця, згоды і дабрабыту.
