Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Пакістана Асіфа Алі Зардары і Прэм’ер-міністра Шахбаза Шарыфа з нацыянальным святам — Днём Пакістана. Пра гэта БелТА паведамілі ў прэс-службе беларускага лідара.
«У Беларусі высока цэняць адносіны з Пакістанам, заснаваныя на прынцыпах узаемнай павагі і супрацоўніцтва, — гаворыцца ў пасланні Асіфу Алі Зардары. — Перакананы, што пры падтрымцы кіраўнікоў дзвюх краін міждзяржаўныя сувязі будуць актывізаваны для эфектыўнай рэалізацыі нашага эканамічнага патэнцыялу».
У віншаванні Шахбазу Шарыфу Аляксандр Лукашэнка адзначыў, што за апошнія дзесяцігоддзі Пакістан шмат зрабіў для ўмацавання ўласнай незалежнасці і паступовага паляпшэння ўзроўню жыцця грамадзян. «Беларускі бок гатовы да далейшага актыўнага супрацоўніцтва з дружалюбным Пакістанам, — падкрэсліў кіраўнік дзяржавы. — Перакананы, што сумеснымі намаганнямі мы здолеем рэалізаваць дамоўленасці, дасягнутыя падчас майго візіту ў Ісламабад у лістападзе 2024 года і Вашага візіту ў Мінск у красавіку 2025 года».
