«Беларусы і кіпрыёты заўсёды шанавалі і падтрымлівалі прынцыпы раўнапраўя, даверу і павагі. Нашы народы многае пераадолелі, абараняючы права самастойна жыць на сваёй зямлі», — гаворыцца ў віншаванні.

Прэзідэнт адзначыў, што ўменне слухаць і здольнасць разумець адзін аднаго сёння набываюць асаблівую значнасць. «Нягледзячы на няпростыя часы, паміж дзяржавамі існуе трывалае супрацоўніцтва ў гандлёва-эканамічнай, адукацыйнай сферах, у галіне спорту», — падкрэсліў ён.

Кіраўнік дзяржавы запэўніў, што Беларусь заўсёды рада вітаць грамадзян Кіпра, якія могуць наведаць краіну без візы, у камфортных і бяспечных умовах.

Аляксандр Лукашэнка пажадаў кожнаму кіпрыёту шчасця, дабрабыту і ўпэўненасці ў заўтрашнім дні.