Кіраўніку дзяржавы даложаць аб сацыяльна-эканамічным развіцці Смаргонскага раёна, суседніх Ашмянскага і Астравецкага, а таксама Гродзенскай вобласці ў цэлым.
У час наведвання прадпрыемства размова пойдзе аб стане і перспектывах развіцця ў краіне алейнатлушчавай галіны.
ТАА «Белагратэрмінал» у Смаргоні — буйны вытворчы комплекс па перапрацоўцы алейных культур (соі і рапсу). Яго заснавальнікам з чэрвеня 2024 года з’яўляецца МКТАА «Садружнасць Рус», якая ўваходзіць у склад групы кампаній «Садружнасць» — буйнога міжнароднага аграпрамысловага холдынга.
Амаль палова прадукцыі прадпрыемства — рапсавы алей. Сур’ёзную долю ў вытворчасці таксама займаюць соевы і рапсавы шроты, соевы і льняны алей. Таксама выпускаецца рыжыкавы алей і іншая прадукцыя.
Прэзідэнту даложаць аб дзейнасці і перспектывах развіцця Групы кампаній «Садружнасць» у Беларусі, у тым ліку аб рэалізацыі інавацыйнага праекта па ўзвядзенні алейнаэкстракцыйнай вытворчасці ТАА «Белагратэрмінал».
Кіраўнік дзяржавы азнаёміцца з работай прадпрыемства і з пералікам прадукцыі, што выпускаецца.