«Сапраўды, гэта першая такая сумесная трэніроўка. Але па элементах, па складальніках, аказваецца, нашы генеральныя штабы, міністры абароны праводзяць яе штоквартальна. Але без нас (прэзідэнтаў. — Заўвага БелТА). Мы з вамі яшчэ зімой абмяркоўвалі перспектыву ўдзелу прэзідэнтаў, — сказаў Аляксандр Лукашэнка. — Я вас абсалютна падтрымліваю, мы нікому абсалютна не пагражаем. Але ў нас ёсць такая зброя, і мы гатовы ўсяляк абараняць нашу сумесную Айчыну ад Брэста да Уладзівастока. Калі нешта ёсць у нашых руках, мы павінны ўмець гэтым карыстацца».

«Арганізацыйная частка прайшла без усялякіх збояў. Разумна, талкова, арганізавана. Усё прайшло арганізацыйна добра», — сказаў кіраўнік дзяржавы.

Што датычыцца вынікаў пускаў на тэрыторыі Расіі з удзелам беларускіх ваеннаслужачых, атрыманыя вынікі сведчаць аб дакладным паражэнні цэлей. «Папалі ў капейку. Гэта сведчыць аб тым, што нашы хлопцы вельмі хутка асвоілі гэтыя перспектыўныя комплексы», — заявіў Аляксандр Лукашэнка.

Кіраўнік беларускай дзяржавы выйшаў на сувязь з расійскім калегам, знаходзячыся на пункце ўпраўлення Міністэрства абароны. Раней яму было даложана аб задуме правядзення трэніроўкі. Адпрацоўка адпаведных мерапрыемстваў праводзіцца ва ўзаемадзеянні з расійскім бокам.

Аляксандр Лукашэнка ў Асіповіцкім раёне агледзеў парк тэхнікі ракетнай брыгады, наведаў камандны пункт камандзіра. Прэзідэнту прадэманстравалі пускавую ўстаноўку «Іскандэр-М» і нанясенне ўмоўнага ракетнага ядзернага ўдару (электроннага пуску). Гэта значыць, усе дзеянні былі зроблены так, як гэта было б у рэальным баявым становішчы. З адзіным важным нюансам — непасрэдна запуску ракеты не было.