Кіраўнікі дзяржаў абмеркавалі развіццё беларуска-казахстанскіх адносін, адзначыўшы высокую дынаміку кантактаў на розных узроўнях. Толькі за апошнія паўгода адбыўся шэраг знакавых двухбаковых візітаў. Казахстан наведалі Прэм’ер-міністр і кіраўнік беларускага МЗС, а ў Мінску прымалі старшыню Мажыліса Парламента Казахстана.

Аляксандр Лукашэнка і Касым-Жамарт Такаеў таксама абмеркавалі графік маючых адбыцца мерапрыемстваў і візітаў. У канцы мая ў Астане пройдуць Вышэйшы Еўразійскі эканамічны савет і Еўразійскі эканамічны форум. Прэзідэнты разгледзелі пералік пытанняў, якія будуць фарміраваць парадак дня гэтых міжнародных форумаў.

Напярэдадні агульнага вялікага свята — Дня Перамогі — лідары краін абмяняліся віншаваннямі, пажадаўшы народам Беларусі і Казахстана міру і дабрабыту.

Аляксандр Лукашэнка аднавіў запрашэнне свайму казахстанскаму калегу здзейсніць афіцыйны візіт у Беларусь, каб комплексна абмеркаваць усе актуальныя пытанні ў двухбаковым парадку дня, вызначыць перспектыўныя праекты і планы на будучыню. Увосень бягучага года ў Мінску таксама чакаюць з візітам казахстанскую дэлегацыю на чале з Прэм’ер-міністрам для ўдзелу ў Еўразійскім міжурадавым савеце і міжнароднай выставе «ІНАПРАМ».