«Машынабудаўнічая галіна з’яўляецца адной з важнейшых для эканомікі Беларусі, дае рабочыя месцы дзясяткам тысяч жыхароў рэспублікі. Прадукцыя, якая сыходзіць з айчынных канвеераў, запатрабавана ва ўсіх кутках зямнога шара», — гаворыцца ў віншаванні.

Аснова для такой паспяховай работы, паводле слоў Прэзідэнта, закладзена ветэранамі, а цяперашняя моладзь сваімі свежымі ідэямі дапамагае ўкараняць у вытворчасць самыя перадавыя і інавацыйныя тэхналогіі.

«Упэўнены, і ў далейшым, выкарыстоўваючы набыты вопыт і вынікі сучасных дасягненняў, работнікі Міністэрства прамысловасці, навуковых канструктарскіх бюро, прадпрыемстваў галіны выканаюць адказныя задачы па забеспячэнні тэхналагічнага суверэнітэту, што яшчэ больш умацуе нашы пазіцыі на міжнародным рынку», — падкрэсліў кіраўнік дзяржавы.

Аляксандр Лукашэнка пажадаў усім добрага здароўя, дабрабыту і пакарэння новых вышынь дзеля працвітання роднай краіны.