Звяртаючыся да ўдзельнікаў нарады, Аляксандр Лукашэнка прапанаваў правесці адкрытую размову па выніках праведзенай праверкі, нічога не ўтойваючы. «Гэта была хоць і планавая праверка, але ўпершыню ў гісторыі незалежнай Беларусі такая маштабная», — падкрэсліў Прэзідэнт. 

Кіраўнік дзяржавы засяродзіў увагу на тым, што задача была пастаўлена адна: паглядзець, як будуць дзейнічаць часці, прыведзеныя ў поўную баявую гатоўнасць, ва ўмовах ваеннага часу. «Мне гэтыя праверкі ва ўмовах мірнага часу — трата грошай. Лішніх грошай у нас няма», — канстатаваў беларускі лідар.

«Ніякага мірнага часу быць не можа. Мы рыхтуемся да вайны. На тое мы і Узброеныя Сілы стварылі, на тое мы іх утрымліваем, на тое народ дае грошы для таго, каб нас з вамі ўтрымліваць. І ў гэтай аўдыторыі (і не толькі ў гэтай) людзі павінны разумець: мы абсалютна супраць вайны. Асабліва нашы афіцэры, нашы салдаты, Узброеныя Сілы. Бо мы ведаем, што такое вайна. Мы не хочам вайны, але армія для таго і прызначаная. Калі раптам хтосьці вырашыць з намі размаўляць і глядзець на нас праз прыцэлы зброі, мы адкажам. Да гэтага і рыхтуемся», — заявіў кіраўнік дзяржавы.